మూతపడిన తిరుమల శ్రీవారి పుష్కరిణి | Tirumala srivari pushkarini closed

తిరుమలలో స్వామి పుష్కరిణి మూతపడింది.

తిరుమల శ్రీవారి సాలకట్ల బ్రహ్మోత్సవాలను పురస్కరించుకుని ప్రతి ఏడాది శ్రీవారి పుష్కరిణికి  మరమ్మతులు నిర్వహిస్తారు.

 ఎప్పట్లాగే ఈ ఏడాది కూడా స్వామి పుష్కరిణి మరమ్మతు పనులు జూలై 20 నుండి ఆగస్టు 19వ తేదీ వరకు నెలరోజులపాటు  నిర్వహించనున్నారు.

ఈ ఏడాది సెప్టెంబరు 24 నుండి శ్రీవారి బ్రహ్మూత్సవాలు జరగనున్న నేపథ్యంలో టీటీడీ వాటర్‌ వర్క్స్‌ విభాగం ఆధ్వర్యంలో నెల రోజుల ముందుగానే ఈ పనులు పూర్తి చేసేందుకు అధికారులు చర్యలు తీసుకొంటున్నారు.

ఆ కారణంగా ఈ నెల రోజుల పాటు పుష్కరిణి హారతి ఉండదు. అదేవిధంగా ఈ నెల రోజుల పాటు భక్తులను పుష్కరిణిలోకి అనుమతించరు.